Therese Hareide Holstad & Anne Tjønndal
RESPONSE – Research Group for Sport and Society,
Fakultet for samfunnsvitenskap, Nord universitet, Norge
Artikkelen handlar om kva kjønna betydingar innføringa av idrettsteknologi får for trenarrolla i fotball. Følgande forskingsspørsmål vert utforska: Kva erfaringar har fotballtrenarar for kvinne- og herrelag med idrettsteknologi og kva kjønna betydningar får teknologien for fotballtrenarane? Artikkelen basera seg på kvalitative intervju med 12 fotballtrenarar for herre- og kvinnelag. Datamaterialet er tolka i lys av tidlegare forsking på idrettsteknologi og trenarrolla. Vidare blir feministiske teoriar om teknologi og det digitale skilje nytta. Hovudfunna i artikkelen er sentrert rundt tre hovudtema: (1) Kva og korleis brukar fotballtrenarar idrettsteknologi?, (2) økonomi som rettferdiggjering for ulik tilgang til teknologi i kvinne- og herrefotball og (3) kjønna betydningar av teknologi i fotball. Gjennom studien kjem det fram at trenarane for kvinne- og herrelag brukar like typar idrettsteknologi (kroppsnær teknologi, videoanalyse og overvakingsteknologi), men at det er kjønnsulikheit i tilgang og kvaliteten på teknologien. Kvinnefotballaga har færre og dårlegare teknologiske verktøy enn herrefotballa. Sidan herrefotball har meir ressursar, blir økonomi brukt til å rettferdiggjere ulik tilgang til teknologi der trenarane for mannlege lag har få refleksjonar rundt kjønna betydningar av teknologi i fotball. Analysen viser videre at tilgang til mindre og dårlegare teknologi får betyding for kvinnefotball generelt, og trenarrolla spesielt. Sidan kvinner i hovudsak berre trenar kvinner, viser funna våre korleis manglande tilgang på teknologi påverke kvinnelege trenarar si idrettsfaglege utvikling negativt, og forsterke stereotypiske haldningar om kompetansen til kvinner i trenaryrket.
THERESE HAREIDE HOLSTAD har mastergrad i idrettsvitenskap frå Norges teknisk-naturvitenskapelige universitet (NTNU).
ANNE TJØNNDAL er professor i idrettssosiologi og forskingsgruppeleiar for RESPONSE ved Nord universitet.
Läs mer på idrottsforum.org om
